名模Rosemary前日夥同多位本港及內地模特兒，演出假廣州舉行的「香港名師名模海印繽繽廣場巡禮」fashionshow，演繹多位設計師的性感新裝。Rosemary母親Julie表示，現在香港市場的客戶出手較低，不夠內地客戶闊綽。
本港七名時裝設計師，包括鄧達智、劉玉蓮、楊遠振、張璐璐、馬偉明、張潔雯及楊其彬，前日假廣州海印繽繽廣場舉行fashionshow。據鄧達智透露，這是香港時裝設計師協會成立十八年來，第二次在廣州搞show，希望藉此把香港的時裝潮流帶入廣州。
前日Rosemary在母親Julie陪同下，示範多款新裝，其中不乏性感大膽之作，大送冰淇淋予廣州觀眾。Rosemary母親Julie表示，女兒在內地的知名度不弱。
Julie說：「我哋唔係淨係返北京同上海呢啲大城市演出，有好多較偏遠嘅城鎮，我哋都會去到，因為內地市場真係好大，一個時裝牌子喺全國有成千幾個分銷點，所以絕對唔可以睇小。」
Rosemary母親更表示早於六年前，已為女兒進軍內地市場鋪路，她說：「Rosemary好受內地嘅客戶歡迎，因為佢個樣鬼鬼哋，但又識得講國語，而且我哋都好樂於返內地工作，因為香港近年經濟咁差，好多客戶都縮晒皮；反而內地嘅客戶，知道Rosemary咁出名，好多時唔單止當佢係一個model，重係以VIP身分邀請佢演出，酬勞比香港可觀得多㖭。」
記者問Julie，前日Rosemary示範多款性感新裝，是否為內地市場而「回饋」觀眾？Julie笑說：「梗係唔係啦，性感啲大家都鍾意睇㗎！」
記者DebbieLum、ChanKwingWai廣州直擊