被傳與霆鋒不咬弦的王傑，昨日在灣仔會展中心宣傳他與陳松伶合演的《賭神之神》時，拒絕談霆鋒之事，又否認與楊生「冇偈傾」，但他不諱言撞車只屬小事。
謝霆鋒因涉嫌妨礙司法公正，日前被廉署拘捕助查。作為英皇前輩歌星的王傑，昨日對霆鋒被捕事件不願多談，並說：「我覺得霆鋒單案重查緊，唔適宜評論咁多。」
昨日王傑與大馬賭神鄧天兆往灣仔會展中心，出席與陳松伶合演的電影《賭神之神》記者會。
王傑在記招期間表示撞車很平常，他說：「我覺得撞車唔係好大件事，以我自己為例，如果我撞車，架車有個女仔，我都唔驚俾人知，又唔係唔見得光，係女友又好，唔係女友都好，有乜所謂？交朋友好小事啫！如果我有女友，都想日日帶畀人見啦！我屋企有成堆碗未洗，我都想搵個女友幫我洗。」
王傑又說：「香港係法治之區，講人權、自由嘅，如果撞車，梗係唔可以走咗去，我一定會報警同警方合作。其實藝人工作忙、壓力大，平時揸車應該開慢啲，免生危險。」
對於有指他跟霆鋒不和，又與英皇老闆楊受成「冇偈傾」，王傑說：「我一向唔否認傳言，我相信霆鋒唔會信流言，至於我同楊生（楊受成）根本冇嘢，啲傳聞又話我要靠經理人Mani（霍紋希）向老闆求情解凍，首先，我王傑冇咁嘅能耐；第二，我係王傑，唔需要幫我求情；第三，佢（Mani）唔係我女友，有女朋友我自然會拖出嚟。」
採訪：馮美茵 攝影：仇志德