近日天氣陰晴不定，女士們護膚的確有啲難度，不過踏入春季後，就一定要提防陽光對皮膚的侵害。趁太陽未開始發威，等小記為你介紹五款中度防曬面霜，全部質地輕柔易吸收，兼有不同的護膚功效，此外重有兩款好用粉底，用嚟對抗陽光最好不過。
記者：許穗齡
攝影：陳偉強
太陽對皮膚的侵害並非一朝一夕，長年面對陽光，就連肌膚細胞亦受到嚴重嘅損害。今季燊SA新推出嘅PROTECTORDAYSHELTEREX，蘊含感光修護微囊，可以修補DNA受紫外線的損害，加上其他植物精華及生物抗氧劑，為肌膚提供由防曬至深層滋潤的呵護。
用家意見：質地好似乳液咁幼滑，搽上面好舒服，不過有少少𣲷，T字位最好不要塗太多。
防曬度數：SPF15PA+
售價：$240（30ml）（燊SA）
＊四月底開始發售
市面上的防曬產品多數會偏乾，搽上面總覺得不太舒服，不過呢支HABA出品嘅UVProtect就以滋潤保濕見稱，其蘊含鯊烯及甘草精華，不但對皮膚更溫和，而且比一般無機化妝品更有效阻擋紫外光，質地薄而不𣲷，當粉底使用效果亦不俗。
用家意見：質地唔算好濕，但搽上皮膚吸收得好快，搽咗都唔多覺。
防曬度數：SPF14PA++
售價：$185（30g）（HABA）
面部最直接接觸陽光，兩頰當然要注意搽防曬，但其他地方如鼻、嘴唇及耳朵都非常脆弱，呢款由CLARINS新推出嘅隨身防曬膏，專門為針對敏感部位而設，其橄欖精華及乳木果油中的成分有效保護皮膚，避免因日曬出現過早老化及缺水等現象，唇膏形設計更是方便易用。
用家意見：質地𣲷咗少少，用嚟搽嘴唇都唔錯，不過搽鼻位就好似油咗啲。
防曬度數：SPF30
售價：$110（5g）（CLARINS）
雖然未到炎夏，但如果你經常要在戶外工作，最好就帶備呢支防曬噴霧。由日本STF出品嘅保濕營養水，有SPF16防曬，除面部之外，基本上全身皮膚甚至頭髮都啱用，太陽底下可以每隔二至三個小時噴一次，而且重有防菌配方，暗瘡皮膚絕對適用。
用家意見：噴上面非常清涼舒服，而且水分好高，皮膚吸收得好快。
防曬度數：SPF16PA+
售價：$79（25ml）（V3）
植物中所含的天然成分對保護肌膚免曬傷都非常有功效，好似呢款由RMK出品的FaceProtector，其所含的蘆薈抽取液可緩和紫外線對肌膚的傷害，而其他成分如小黃瓜精華，可以幫皮膚補充水分，達到保濕緊膚的功效。
用家意見：清爽得嚟都好滋潤，皮膚吸收得幾快，感覺好舒服。
防曬度數：SPF20PA+
售價：$210（35g）（RMK）
想貪方便用兩用粉餅，小記推介你用呢款燊SA新出的美白清盈兩用粉餅，基本護膚功效如美白去色斑等當然齊備，最革命性的是其採用全新的NewFrostVeilFormula，搽上後令肌膚表面呈如磨砂玻璃般的半透明感，更有效遮蓋色斑及雀斑，特別適合混合性至油性皮膚使用。
用家意見：粉粒好幼細好滑溜，不過就乾咗少少，使用前一定要打層保濕底。
防曬度數：SPF18PA++
售價：$290（12g）（不連盒及海綿撲）（燊SA）
＊四月底開始發售
由日本資生堂出品的PROUDIA粉底液，賣點係持久耐用，粉底可以持續6至8小時，唔使補妝補到煩。除此之外，粉底有防水及防汗功能，戶外使用都唔怕會溶，而且重加添清涼成分，搽上面冰冰涼涼，夠晒舒服。
用家意見：粉底好薄、好Soft，化透明妝好正，夠晒通透感。
防曬度數：SPF20PA++
售價：$329（30g）（V3）
SPF：即防曬系數，英文全寫是SunProtectionFactor，防曬產品的系數愈高，保護皮膚的效用愈大。
PA：是日本化妝品工業聯會對於UVA防禦指數的測量方法，以+號顯示防禦UA的成效。PA+表示功效不錯；PA++功效良好；PA+++則功效非常好。
店舖資料
HABA（23754033）
尖沙嘴海港城3樓city'super專櫃
燊SA（29713820）
金鐘太古廣場西武百貨專櫃
V3（28826624）
銅鑼灣金百利商場R135號舖
CLARINS（28318480）
銅鑼灣崇光百貨專櫃
RMK（28106690）
金鐘太古廣場西武百貨專櫃