數近期最Hit的MMORPG，以國戰掛帥的《DarkAgeofCamelot》可謂非佢莫屬，不過論耐玩程度，現階段嘅《DAOC》就真係未算合格，尤其歷險區域有限更是其致命傷，國戰打得多亦有不斷重複的缺點。所以好多高要求嘅Gamer，都將視線轉移到其他描繪玩家戰爭更細膩的作品。除咗快將面世嘅《Shadowbane》之外，台灣方面亦有一套足以躋身國際市場嘅MMORPG，它的名字叫《神話》。
文：方樂鵬
一直以來中文MMORPG都予人水準差劣的印象，唔係不停在同一畫面按Mouse練功讀書，就係愈玩愈覺古怪嘅武俠版《EQ》。而《神話》則可說是少數真正有誠意的中文作品，單看畫面經已獲得唔少印象分，由人物模造到城市建設都達到專業水平，唔知重以為係外國公司開發嘅3DMMORPG㖭！
雖然《神話》和《DAOC》都屬於具有濃厚戰爭元素的遊戲，不過前者的設計就明顯細緻得多。首先在《神話》中玩家可聯合其他隊友，尋找一些未開發的地區建立自己的國土，利用當地的資源進行各項生產，除應付國內所需，更可將多餘物資和鄰國進行貿易，甚至運用外交手段結成同盟。當然，遇上理念不同的玩家組織，開戰肯定難免，呢個時候就要睇雙方嘅戰力和充當後盾的同盟有幾掂，比起《DAOC》長期三國爭戰的定局，《神話》明顯變化大得多。
大部分MMORPG，都會要求玩家一開始就選定自己嘅職業，揀咗就冇得再改。而《神話》嘅角色成長方法亦採用傳統方法，玩家一開始將可選擇戰士、僧侶、遊俠等職業，然後按自己的喜好鍛煉不同的技能，例如武器運用、魔法、開鎖等等。到後期角色成長至某一階段，傳聞更會顯示最切合的名稱。至於能否轉練技能更改職業和是否存在點數限制，就要等待遊戲正式面世先至知。
睇過遊戲嘅圖片，相信大家都好心急想先玩為快，冇問題，遊戲嘅第二輪公開測試，經已在最近正式開始。想參加嘅讀者，只要到官方網站
發行/開發：歡樂盒
預定發售日期：2002年