《第二屆同志議題報道獎》噚日頒獎，喺十個最傑出同志議題報道獎中，《蘋果日報》佔了其中兩個，分別係由徐凝報道嘅《不一樣的青蔥歲月》同埋李芷妍報道嘅《難獲高潮，同志拍拖沒轉基》；而最傑出同志議題報道獎，就由中文大學新聞與傳播學院出版嘅《大學線》月刊奪得。
頒獎禮司儀伍成邦話，估計全港𠵱家有三十至五十萬位同性戀者，佔總人口嘅百分之四至七。不過，佢話要喺香港做消除性傾向歧視嘅工作，重有一段好長嘅路。好似今次個報道獎咁，一百篇獲提名嘅報道中，就有二十幾篇作品所屬嘅報館拒絕接受提名！佢引述啲編輯解釋，話同性戀呢個問題好敏感，報館都好難做咁話！八方諗極都唔明，同志議題有乜咁敏感，要咁避忌呀？
E-mail：