距離世界盃開鑼嘅日子愈嚟愈近，為慶祝這個四年一度的盛事，7-ELEVEN亦不甘示弱，於店舖獨家發售一系列2002世界盃精品及可口可樂世界盃精品，全部都是限定版，珍藏價值甚高。在芸芸產品中，小記認為可口可樂世界盃嘅精品比較吸引，實行介紹四款心水選擇畀大家睇。
記者：陳慧敏
攝影：伍慶泉
個個見到呢兩個迷你足球仔，都話想據為己有。其中一款有尼克、阿托和卡茲嘅得意造型，啱晒大細路！另一款雖然無吉祥物公仔，不過卻是小記的心頭好，貪佢顏色配搭夠靚，球面布滿世界盃Logo亦甚有氣氛。
尺寸：直徑10.5cm
售價：每個$39.9
呢個布腰包，外形似足一個背囊，個袋容量夠大，外層備有拉鏈格，最啱放零碎物件。熱辣辣的火紅袋身，除有可口可樂Logo外，世界盃標誌當然唔少得，是實用之選。
尺寸：高16cm、闊15cm、深5cm
售價：$26.9
講到世界盃精品，點可以無吉祥物的份兒，所以今次喺可口可樂世界盃精品中，都會見到尼克、阿托和卡茲呢三隻吉祥物公仔，若嫌公仔太悶蛋，小記就推介呢款公仔手帶畀大家，最啱買畀小朋友。
尺寸：高8cm
售價：$26.9
呢款電話繩夠晒有世界盃氣氛，除咗有膠製吉祥物公仔作點綴外，掛於電話繩旁的足球牌亦夠盞鬼，就算唔係球迷，買嚟湊吓世界盃熱都唔錯！
尺寸：長14cm
售價：$25.9
售賣點：全線7-ELEVEN
查詢熱線：22991110