昨日Twins和容祖兒由上海回港，其後Twins往九龍灣出席宣傳活動，有男歌迷想送花及公仔給她們，但被在場保安推開，場面一度混亂。
二人女子組合Twins和容祖兒（Joey）昨早由上海返港，恰巧三人均戴上藍色帽出機場，Joey笑說：「我哋三個係『藍帽子』，加上藍色又可以幫~H2O+賣吓廣告。」
其後Twins即趕往九龍灣德福廣場，出席由香港電台舉辦的「愛學習家庭」活動，約有近百人到場。當中有一名男歌迷欲在Twins離開時送上鮮花及公仔，但由於當時有大批fans一擁上前，在場的保安員立即將各人推開，場面一度混亂。不過最後Twins的助手亦代收鮮花。
Twins認為偶像應該灌輸一些正面思想給fans，她們說：「其實父母嘅教導同埋學校嘅教育都好重要，所以好多嘢都唔好淨係話關偶像事，有時可能係傳媒將件事誇大咗啫。」
問Twins此言是否因近日謝霆鋒的新聞故有感而發，她們說：「唔係呀，完全唔關事。」再問二人有否致電慰問霆鋒，Twins說：「冇呀，等件事過咗先啦。」
採訪：李珮洳 攝影：仇志德