晨曦中場劉志強上屆聯賽盃決賽完場前一刻，誤將皮球頂交愉園球員被追平，更在加時失守，將冠軍獎盃拱手讓與愉園，而「劉強」在昨午足總盃決賽上半場不幸地「擺烏龍」，而南華就憑這個入球取勝捧盃。
劉志強苦笑說：「上屆聯賽盃輸波又關我事，今(昨)日又將個波頂入自己龍門，再次喺決賽輸波，真係慘。我以後都唔踢決賽，連後備也不做啦。」
「球隊上半場發揮一般，下半場取回優勢，壓住南華進攻，可惜幾個機會都未能把握，再次喺決賽輸畀南華。波已經輸了，現在最緊要收拾心情，準備周六對愉園的聯賽。晨曦今季對愉園都未輸過，心理上佔優，希望贏聯賽冠軍補番數。」他說。