日產繼早前推出Facelifted新版嘅Gloria之後，又向外宣稱會喺嚟緊秋季，於北美推出配備4.5公升V8新偈（馬力340匹）嘅InfinitiQ45新型號。然而，最近廠方又向外宣布，或許響年底前，會有一部頂級強化版嘅GlroiaV8新車面世；雖然廠方未有詳細公布有關新車嘅資料，惟呢部GloriaV8不僅有辣味十足嘅包裝，車體尺碼亦有增延，除用以抗衡寶馬5系外，主要針對會係甫面世不久嘅平治新E-Class；相信新車內裏鋪排同陳設，會有重大更新之餘，引擎配搭除標準版3.0公升V6偈外，一台頂級V8新偈輸出，更會高達350至400匹之間，就連懸掛系統亦有改良㖭！有興趣嘅車迷，就要留意新車嘅推出日期喇。