當今潮流玩意，男生有Figure，女生就有Blythe。Blythe勢不可當襲香港，時裝集團I.T幫佢搞比賽經已夠犀利，除此之外，原來香港女生好多已到達迷戀的地步，帶住B女周圍去、狂為佢拍寫真、為佢做網頁、不停買衫同做衫畀佢、全屋都係佢……直情當佢係女。Blythe魅力絕對非凡，淨睇Fans們為佢影的過百照片，你就知她們的熱愛程度絕不遜於捧Twins或追F4！
記者：梁珮瑜 攝影：周旭文、黃子偉
Carrie在某網上留言板建立了一個BlytheClub，與眾多Fans一齊分享玩Blythe心得，而Winnie就是其中一個Blythe網友。雖然她們愛上B女不足三個月，但已為其愛女拍了過百張靚相，而Carrie亦為兩個囡囡不停做衫仔，Winnie更買下及自製了不少衫仔，她們的B女現共擁有超過七十多件衫及配件。
任職電台Writer的Winnie初次偶遇Blythe於雜誌，未買公仔前不停從網頁PrintOut大頭妹的相，3月買了第一隻B女後就為佢狂拍寫真。「初頭買好多平平哋的衫仔畀佢，後來覺得都係自己做比較靚，所以開始做衫同飾物畀佢。以前行街睇衫買畀自己，𠵱家行街就留意那些款式啱佢，睇完就幫佢做一件。」
Carrie是中五學生，在雜誌上睇到Blythe就一見鍾情，覺得佢得意又Fashion，上網將B女起底兼在二月買下第一個囡囡。「因為平時都會做衫畀自己着，用布碎就可以做衫畀佢哋，所有衫都係我做㗎。」就連B女的T恤，Carrie都等不及I.T入貨而一早在網上訂講了。
由5位BlytheFans組成的「3B班攝影學會」雖成立不久，但活動多多。更不定時搞戶外活動。另外又製作網頁將靚相貼上等大家分享：(
Blythe由CWC公司帶到日本後，即受Parco百貨賞識搵佢做聖誕ImageGirl，此外，就連日本版《Vogue》都玩Blythe，由3月號開始，每期都請來名牌Designers為佢設計靚衫作慈善拍賣，有興趣不妨到其網址睇睇。
I.T舉辦的Blythe形象設計大賽早前已公布結果，十位得獎者的作品亦已擺放於店內作展覽。
地點：銅鑼灣京士頓街2號地庫(28816102)