郭晉安、郭藹明、康華、湯寶如和吳家樂昨日在北潭涌，為無綫新劇《情事緝私檔案》宣傳，進行繩網訓練。
由於眾人均穿上該劇的T恤出席，惟獨康華得到監製批准，身穿一件露肩的套裝，搶去眾人鏡頭，就連身旁的吳家樂亦不忿地指她標奇立異。當眾人玩完繩網後，有幾位女藝人即相繼脫去T恤，不讓康華專美。
問康華為何未有與其他藝員一樣着上T恤，她說：「都係為咗你哋囉！我以為去酒店做宣傳，咁咪諗住着靚啲，我今朝早七點幾就搵衫。我都問過其他演員唔着T恤得唔得，我重講笑話我嗰件係露膊衫，着咗T恤就睇唔到我個膊頭。其他人都着得好好睇呀！」
問郭藹明可有感風頭被搶，她說：「每個人都有唔同嘅選擇，何況佢又着得咁靚，唔緊要啦。」
採訪、攝影：王崇穎