謝霆鋒早前撞毀法拉利後被廉署查，楊受成踢爆霆鋒在栢芝家中被捕，中國星老闆向華強太太陳嵐昨日暗寸楊受成有分身術，竟然可在事發時，能同時去完霆鋒家，又去了栢芝家。
謝霆鋒上月底在紅棉路將其法拉利跑車撞毀，疑有人找人頂包，涉嫌妨礙司法公正，廉署人員在前日凌晨往張栢芝家中拘捕謝霆鋒，而張栢芝亦被邀請返廉署協助調查。對於楊受成踢爆霆鋒在栢芝家被捕，栢芝的經理人公司中國星，自然有所不滿。
中國星老闆向華強太太陳嵐，昨日透過宣傳部發言人代她表示：「啲人問我嬲唔嬲楊受成咁講，咁我就冇嬲，但我就唔知點解楊受成可以同時間喺幾個地方出現，又會知道霆鋒喺栢芝屋企被捕。
「據我所知，ICAC（廉署）去霆鋒屋企搵佢嗰陣，楊受成已經知道，當霆鋒去到ICAC，楊受成已趕到ICAC了解，但佢又話自己去咗栢芝屋企，如果佢可以同時去咁多地方，又真係佩服佢兼多謝佢。」
張栢芝與謝霆鋒拍拖後，負面新聞接踵而來，但中國星發言人李小姐昨日在電話中強調說：「栢芝啲工作已安排到2003年，廣告、電影都傾緊，所以近排嘅新聞，對栢芝形象同工作都冇造成任何影響，公司亦會全力支持佢。」
對於張栢芝的栢字一時用「栢」字，一時又用「柏」字，李小姐解釋說：「之前係冇一劃嘅，後尾我哋幫佢測字都係用有一劃嘅栢字有利，所以就一路用呢個栢字。」
此外，昨日大批記者在大埔康樂園等候張栢芝，但一直未見她的蹤影，中午十一時許，張栢芝胞弟張豪龍駕着保時捷跑車接載着女友外出。