重有個多月，世界盃就正式開始，各入選國家隊亦積極備戰，不斷進行熱身賽。澳特首何厚鏵噚日喺海南就專門請董特首下月二十五日，去澳門睇中葡國家隊熱身賽。
不過如果球迷對熱身賽有興趣，唔使去澳門咁遠，因為未來有四場熱身賽已由now.com.hk買咗，獨家播映。
第一場係四月十八日凌晨四點，葡萄牙對巴西，都幾有睇頭。不過，想睇就要係佢哋嘅客戶至得，月費盛惠三十元，貴唔貴就見仁見智。另外三場分別係四月二十七日，南韓對中國；五月二十一日，南韓對法國；同五月二十六日，南韓對英格蘭。球迷要記低。
E-mail：