飛哥李鵬飛紅就街知巷聞，除咗電視同電台任佢縱橫外，飛哥重撈埋教書呢瓣，而且場場爆滿，每次教書對住成四十幾人，難怪佢大呼「好過癮、好開心」。飛哥原來喺中大商學院管理學系做MBA嘅兼任教授（個合約重做到二○○五年），佢已經教咗十堂，遲啲重教埋城大嘅EMBA，大講新型投資管理。
飛哥同八方講，佢除咗自己教書之外，重會請吓上市公司大粒佬做客串，其中重包括恒生董事鄭海泉㖭。有大粒佬畀面，自己有市場價值，又咁受學生歡迎，睇怕飛哥都要收番唔少錢。不過八方大跌眼鏡，飛哥話自己唔收錢，只係得啲車馬費，真係好唔話得。
E-mail：