無綫昨日在電視城舉行記者會，公布「皆大歡喜匯應通電話遊戲」會送出價值三十二萬元隱賢山莊豪華洋樓單位一個，出席演員包括《皆大歡喜》演員趙學而、車婉婉、薛家燕、謝天華和無綫戲劇分部副總監曾勵珍（珍姐）。
珍姐在記者會上點名評論各藝員，她說：「我今日要特別為學而澄清，佢冇俾人罰，只係套劇要交代有人出入，所以佢嘅戲分先停一個禮拜，以前佢係有少少瑕疵，𠵱家已經復原，我好少同人澄清，係唔係好感動呢？」當時站在珍姐旁的學而即說：「多謝晒！」
其後薛家燕和謝天華亦被珍姐責備，珍姐笑說：「𠵱家係唔係大明星就唔使着古裝？」事後珍姐說：「因為今日氣氛唔係幾好，所以我特別同佢（趙學而）澄清，如果佢唔乖就打巴佢，𠵱家咪等佢鬆一鬆囉。」
採訪：楊潔雯
攝影：卓寶花