馮德倫： 吓？唔知喎，咁大件事？相信清者自清，我會打電話畀佢問吓，相信佢會大步檻過。
譚詠麟： 佢出道咁多年，經得起風浪嘅，要用平常心去面對。
林漪娸： 咁大件事？我冇收到消息，唔知發生乜事，對呢件事亦都冇乜意見。我以自己經驗覺得，佢哋（ICAC）處理公眾人物要小心啲，如果真係有罪就抵死啫，如果唔係好似我𠵱家咁，就會受到好大傷害，相信佢哋要保密嘅話，一定可以，亦都唔使咁早公開人物，尤其是公眾人物應該有少少保護，警方成日話有私隱條例，但藝人同公眾人物就冇晒私隱。我都戥霆鋒慘。我忠告佢最好搵律師，呢啲唔慳得。
楊千嬅： 唔係啩，咁大鑊？你哋問番廉署啦，我唔知發生乜事，所以唔方便批評。我唔認同用飛車嚟減壓，始終係太危險啦！
戴思聰： 真係好擔心佢，我希望佢無事。佢個人雖然成熟，但始終都係細路仔，佢日後應該聽多啲長輩嘅話，唔好我行我素。
方力申： 噚日睇報紙先睇到佢哋開party，我都唔知講乜好。