個個後生仔女都嗌香港悶，一到周六日就上深圳，然後返來話原來都唔平，猛嗌自己笨實。如果有4日長假期就去泰國去台灣。去北京都唔錯，如果學松哥喺北京有個霞妹等緊自己，就重正。
計我話近期留港消費重啱，尤其係你對藝術展覽有興趣。住九龍嘅，假期先到尖嘴香港藝術館睇吳冠中畫展，食完晏坐小輪，歎吓海風慢慢「印」去中環，太子大廈MasterPainting畫廊最近展出作品十分精采：AndyWarhol絲網真迹、夢幻大師Chagall、Modigliani素描、丁雄泉油畫都有，有興趣又有彈藥不妨問問價錢，其實不是你想像般，天咁高。
再之後沿蘭桂坊上藝穗會：今日起有大師ArneJacobsen百周年展，展品由香港多間代理合辦，即係有齊大師各類設計。潮流興家具，你話我鍾意睇櫈？得，你鍾意埋佢嘅餐刀、廚具、燈飾……大師設計跨越多類，當然亦得。（展期由4月13日~20日）
展館：藝穗會（25217251）
香港中環下亞厘畢道2號
記者：何兆彬