香港股市同樓市都唔係咁掂，律師惟有北上求生。昨日就有十六間律師行在深圳五洲賓館擺檔，最旺場嘅唔係全港最大嘅孖士打律師行，而係「法律超人」謝偉俊嗰間；謝偉俊着到好似上庭咁，又大派以佢個樣造嘅手辦公仔，有西裝look、泳褲look同埋大狀look，而佢愛人白姐姐則靠一條又紅又橙嘅絲巾搶鏡，結果咁多檔攤位，以佢嗰檔最旺場，你話知名度幾重要。
謝偉俊話計劃今年中喺廣州開辦事處，不過家陣香港律師重未可以在內地執業，只可以做住諮詢服務，佢話會同內地律師互通，內地企業如果有涉及香港法律問題，可以轉介生意。
E-mail：