前一排，香港有同性戀人士交換「伴侶」假結婚，引來全城哄動，不過諗深一層，佢哋要出此奇招，都係因為社會實在有好多嘢歧視佢哋，包括連買保險原來都障礙重重。
有同性戀組織人士同八方講，香港有保險公司唔受佢哋買保險，一聽到係同性戀者投保，馬上耍手擰頭。係邊間公司？咪AIA囉，佢哋有份內部指引，寫明不會接受同性戀者的保單，但係原因就唔多清楚。
雖然香港冇性傾向歧視法例，但係平機會就話反對任何形式的歧視，希望保險公司都唔好一刀切，將某一類人士拒諸門外，應該按客觀數據去做決定。AIA既然係數一數二的大保險公司，有錯一定改嘅，八方聽講佢哋其實一早都想修訂指引，梗係盡量擴大自己嘅客戶網着數得多啦！
E-mail：