「哥頓．胡」胡應湘昨日到電台錄音，大談高官問責制，佢話百分百支持董特首的部長制，因為要令政策推行，都要底下啲馬仔聽話先至得，所以搵特首信得過之人做部長實在無可厚非。不過問到佢本人是否有興趣做部長？哥頓立即耍手擰頭，佢話如果做咗部長，日後就唔能夠亂講嘢，對於佢確係有難度。
哥頓又認為，特首應該搵啲熟悉相關政策範疇的外人入去做部長，並以親身經歷為例，佢話多年前曾向負責房屋的官員提議，將空置的工廠地更改作住宅用途，以提供更多單位，但對方竟以不了解為理由推搪。他又認為只要申報清楚，便可防止利益衝突，「申報唔清楚，先至好似程介南咁」。睇落哥頓唔係幾識阿程。
（圖）哥頓一向健談，要佢忍口做部長，真係有啲難度。
E-mail：