最近港大校長人選又再成為學界熱門話題，今次被傳為校長人選嘅，同樣係醫學界巨人，佢就係國際權威基因研究學家徐立之。呢位熱門人物噚日嚟咗，皆因各國研究基因嘅權威噚日雲集香江，出席一年一度嘅國際人類基因組織研討會。
雖然徐立之喺研討會上冇任何嘢發表，但最後始終避唔過傳媒追訪，記者不斷追問佢有冇機會做港大新校長，徐教授謙虛咁話：「我邊有資格！我都冇條件講呢啲嘢（做唔做港大校長）。」重耍手兼擰頭咁叫記者唔好再問關於港大校長嘅嘢。
當然記者並唔會輕易放過佢，繼續死纏爛打，徐教授惟有斬釘截鐵咁話：「呢啲係社會揣測，絕對冇咁嘅事，如果你要信謠言我都冇辦法！」
（圖）徐立之自從被傳為港大校長熱門人選後，便成為傳媒追訪對象。
E-mail：