你用真貓　我用假狗
千嬅新碟封套明抄Kelly

楊千女華新碟分上、下兩集推出，上集已於今日上市，但封面竟與陳慧琳早前新碟《AskKelly》十分相似，二人同穿宮廷味重的服飾，並以動物作陪襯。

楊千嬅最新唱片《MvsM》已於今日推出，千嬅今次新碟分上、下兩集，分別收錄八首歌，今日推出上集之後，稍後會再推出下集，而封面照也有故事，由千嬅與製作班底一同構思。

波鞋公主
千嬅說：「上集個封面上半部好靚，啲景同衫都好華麗，但我下半身就着住對黐咗好多泥嘅波鞋，感覺好污糟。其實個封套係想講一個鄉村女仔想做公主，但能力有限只做到一半，到下集時就唔同晒，成個畫面都好靚，表示佢經過一番努力終於成功咗。」
千嬅上集唱片封面的效果與陳慧琳（Kelly）於二月推出的《AskKelly》感覺十分相似，二人都穿上宮廷味重的服飾，閒坐在動物旁，只是千嬅身旁是一隻假狗，Kelly則以真貓陪襯。千嬅自加盟黃柏高掌管的新藝寶唱片公司後，一直有傳她與同是黃柏高旗下的Kelly爭寵，現在連唱片封面都有抄襲Kelly的嫌疑。

買二送一
對此，Kelly所屬的正東唱片發言人說：「其實佢兩個封面設計班底完全唔同，Kelly係由ShaLaLa負責，千嬅就一向同模擬城市合作，我唔覺得兩張封套感覺一樣，構思都唔同，可能大家都用最時興嘅嘢嚟做，先會有錯覺。」
千嬅封面照的服飾由TomasChan負責訂做，攝影則由SamWong操刀。
另外，千嬅兩張新碟中都附有一張換領券，歌迷集齊上、下集的換領券便可再換一張特別版唱片。