信和（083）旗下嘅信和物業管理公司，最近成功獲得運輸署6個大型公共運輸交滙處嘅管理合約。目前信和物業管理嘅樓面逾4300萬方呎，大力拓展系外物業管理工作，其他發展商附屬物業管理公司會點做呢？
中年失業危機是本港嘅嚴重問題，最近中原地產請咗個43歲，之前做金融投資嘅員工，上工20日就考到經紀牌，𠵱家響加州大道分行做經紀，聽講首要任務係check盤。
中原為吸引更多人加入代理行列，今日起一連3日舉辦按揭經紀招聘日，應徵者只要具備中學會考程度就得。
美聯物業培訓部最近獲兩個內地發展商邀請，往廣州教授「優質服務課程」，唔收錢而且都唔係有盤委託代售。不過，美聯就贏咗個名，真係用錢都未必買到。
香港置業置專會將於下個禮拜，響渣甸山香港鳳凰槍會搞晚宴，慰勞同事。一睇地點就知當晚嘅活動離唔開燒槍啦！
蘭西