港台節目《傳媒春秋》舊年五月開始咗一個「每周一選」環節，每星期都會邀請啲學界及文化界專業人士組成評審團，從本地報章中，選取一篇最佳社會大事及國際新聞報道。
喺噚日「每周一選總選」頒獎禮中，《蘋果》榮獲全年總亞軍，喺三十二次評選裏頭攞到八次冠軍，僅次於全年總冠軍《明報》嘅十一次。八方作為《蘋果》的一分子，當然高興，希望同事們努力再創高峯。
大會亦收集咗一班評審人員同報章編輯對新聞嘅意見，其中北京成功申辦二○○八年奧運、梁伏戀同埋阿富汗塔利班政權倒台等，成為評審人員眼中最令人開懷新聞，至於最唔想見到嘅頭條人物係邊個？原來係早前大家日見夜見嘅羅兆輝，同埋日日為高官問責制忙碌嘅董特首嘞。
不過，話時話，董特首亦同時入選成為報章編輯眼中最渴望採訪嘅其中一個人物，可見做新聞，同埋睇新聞嘅人睇法好多時有好大出入。
E-mail：