林雅詩和顏仟汶早前往馬爾代夫拍攝三級片《荒島歷程》。在片中作露點演出的林雅詩，既要在瀑布中拍攝半裸出浴戲，又要與男主角拍親熱戲，更與對方咀到滿口沙。
林雅詩（Grace）和顏仟汶早前遠赴馬爾代夫及馬來西亞，在兩地拍攝三級片《荒島歷程》。由於該片講述林、顏二人與大馬男演員張叠文在參加郵船派對時，因郵船發生爆炸而流落荒島，故兩位女角不但每日要忍受高溫狂曬的滋味，更要做污糟貓扮流浪者。
Grace初出道時曾於電影《PRGirls》內露兩點演出，今次她再露點可有加片酬？Grace說：「片酬係好咗，但呢次我露點都係覺得個古仔好啫。」
不過，Grace當日在瀑布中扮出水芙蓉，卻浸到皺皮，她笑說：「個瀑布入面有好多石頭，游水嗰陣時踢到啲石，搞到兩隻腳都瘀晒；喺森林入面拍嘢，又因為冇鞋着，拮到個腳板都係刺；喺沙灘拍嗰陣，啲石頭又俾太陽曬到㷫晒，『辣』到我飛起咁滯。」
此外，Grace在片中與男主角張叠文不乏情慾戲，她笑說：「我哋喺沙灘拍kiss戲時，大家都錫到成口沙，但呢個男仔好有紳士風度，佢好就住我，而且我哋都有溝通嘅。」問到Grace知否張叠文在拍親熱戲時，有沒有出現生理反應？Grace即尷尬地說：「我點知佢有冇反應呀，我掛住拍戲咋。」
採訪：朱芷瑩