有「眾人媽打」之稱嘅民政事務總署署長李麗娟，噚日為新城電台錄專為新移民而設嘅《1044好心情》節目時，同新來港兒童吳然然真情剖白，十一歲嘅然然問「媽打」點樣可以學好啲英文時，「媽打」就話最緊要多聽英文電台、多睇英文電視同英文書，要唔怕俾人笑，「重要識自己笑自己，我由細到大都識笑自己㗎！」兩個人嘅對話真係好似兩母女咁。
「媽打」聽到然然話鍾意彈琴，喺錄音後爆自己四十幾歲先學琴，𠵱家先第二級，激勵然然有心唔怕遲，重話幫佢搵鋼琴老師，成個阿媽咁！各位今晚七點就可以喺新城采訊台聽到呢段真情剖白錄音。
（圖）「眾人媽打」（左）同吳然然真情對話，十足兩母女咁。
E-mail：