民主黨主席李柱銘喺香港係資深大狀，接咗小甜甜單官司到𠵱家重未打完，遲吓可能重要越洋去新加坡打官司㖭。
邊個請到馬丁飛去彼邦？咪就係新加坡民主黨秘書長徐順全囉。徐順全同新加坡工人黨前秘書長賈惹日南一樣，經常在當地惹官非。徐順全就喺上年十月底新加坡大選期間，因為話政府借咗一百七十億畀印尼，影射總理吳作棟和李光耀唔誠實，結果被兩位領導人告佢誹謗。控方大狀甚至要求在毋須審訊的情況下，直接判佢哋勝訴，結果徐順全想請外援，希望馬丁同另一澳洲籍大狀尼古拉斯可幫佢一把。
不過，徐順全之前都試過申請聘請同係澳洲籍的大狀利特默，但法庭話利特默曾經在九七年批評過新加坡的司法制度，所以唔畀佢上庭。睇嚟今次馬丁可唔可以去到新加坡打官司，都重係未知之數，講到尾香港民主派過去都批評新加坡唔少。
E-mail：