近日有周刊指陳文媛（BoBo）是一名「是非精」，拍攝電視電影《血殺》時經常四處講劇中演員向海嵐（阿Ann）及王傑的壞話。昨日BoBo及阿Ann到電視城入四廠拍《血》片，阿Ann準時在五時前化好妝，而一向化好妝才入廠的BoBo，則到五時半才現身。
事後BoBo解釋自己一直留在化妝間，並沒有遲到，對於不利報道，她則說：「我唔明自己有乜得罪嗰本雜誌，阿Ann都叫我唔好唔開心，總之我哋合作好融洽。」
而阿Ann回應BoBo的不利報道時，則顯得小心翼翼，她說：「我同佢唔係好熟，我就冇見過佢嗲，叫王傑做阿叔亦未聽過，不過都正常，王傑喺裏面係做佢阿叔嘛！總之我覺得BoBo為人冇乜嘢，似細路女囉。」
採訪、攝影：駱華齡