「即使係路邊小花，都要盛放到最靚，唔可以示弱，就算係一朵大玫瑰，都唔可以取代小花；我哋亦要將自己發揮到盡，因為世界係乜嘢都要嘅。」六十二歲的雕塑家唐景森，小時候患骨癆，令他個子矮小、體力差，但卻一直快樂成長。他身高約四呎，雙手創造的雕塑可達六、七呎高，在大木頭堆裏，尋找及塑出自己的生命姿釆。
唐景森早前出席港大美術博物館詩畫、雕塑展覽開幕禮時，鼻孔還插着一條長長的氧氣小膠喉，兩手扶着枴杖，微笑着招呼專程到來祝賀他的朋友。他的創作《果》及《背》被香港藝術館收為館藏；另一件高七呎、以春芽為主題的石雕，正豎立在九龍公園；文化博物館、香港中文大學及台北國立美術館都有他的作品。
「大件嘅作品夠氣派，我嘅性格喜歡有氣魄嘅嘢，唔係因為自己身體細小所以做咁大，我個人鍾意大刀闊斧，細件嘅，我可能冇能力做到。」他接受訪問時說。
四呎高的雕塑家如何應付數百磅的大木頭？「墊塊厚發泡膠喺木頭下面，我都可以推得郁，雕鑿時重唔會傳聲俾人投訴；又或者用張氈包起木頭，就可以拉嚟拉去，有乜咁難？」
唐景森小時候住在中環德己立街，與父母及合共六兄弟姊妹居於舊唐樓。出生後遇上第二次世界大戰，生活相當貧乏，他於五、六歲時患上骨癆，即肺癆菌入骨，胸骨因肺癆菌侵蝕出現摺叠，影響肺功能及體形發展，變得較矮小及佝僂，而且不可以過於操勞，但他沒有屈服。「我冇因為咁而唔開心，好似蝴蝶過唔到冬、毛蟲冇手，唔通佢哋就要唔開心？」
唐景森七十年代開始從事雕塑創作，尤其喜歡木雕，覺得「親切啲、有生命力。」他不時到船廠搜集大木頭，約八年前以八千元在油塘一間船廠買了一塊十二呎長的大柚木，斬開兩節後，每節依然有數百磅重，一節已雕成巨大人體木雕《動》，另部分用於作品《鰭》；還有一節至今仍丟在視覺藝術中心。
「無論我嘅作品放喺邊，我都唔會覺得慚愧，乜嘢叫世界水準先？沙漠種嘅自然就係仙人掌，點可以同玫瑰比。」他的雕塑創作，曾在東南亞及歐美等地展出。他認為「藝術嘅作用係將人嘅思想提高。」
自小他已明白當藝術家可能要捱餓，長大後曾加入政府，先後任職漁農處及新聞處，至九五年退休，加上太太曾當教師，物質上本應富足。「佢喜歡畫畫，我喜歡雕塑，兩份薪水兩個人用本來好好，但係我哋啲錢都花晒喺買用具、物料上，所以好窮，不過，喺精神上好富有。」
記者：冼麗婷