由演藝界轉投保險業的王玉環，前晚於寇鴻萍男友梁廷鏘開設於香港公園內的L16泰國餐廳，舉行生日party，她的一班好友包括施綺蓮、黎燕珊及司馬燕等人皆有前往道賀。
王玉環前晚可謂雙喜臨門，除了是正日生日外，她更榮膺任職的AIA保險公司東南亞及香港區傑出分區經理的第一名獎。
王玉環興奮地說：「證明我努力工作係冇白費嘅，要攞到呢個第一名，一年要有幾千萬營業額先得㗎。我嘅生日願望係希望可以喺三至五年內做到分區區域總監呢個位。」
問王玉環感情方面又如何？她說：「呢樣就一片空白啦，我試過同人拍拖十幾年，都可以話冇就冇嘅，好冇保障，我視事業為第一生命㗎啦！」