呢排Nike又出晒風頭，全靠廣告攻勢。精密鋪排下，隻塗鴉蠍子無論地盤、地鐵、巴士站周圍噴都見到，連報紙頭版都印埋，度橋嗰位今次領晒功。花園街多倫多門口播個球星廣告，引來幾十人圍觀，場面墟冚。
大公司以街頭文化入手，此乃大趨勢，𠵱家冇分另類定主流，最緊要有捧場客，老闆度橋時不妨留意。
Stussy本來係小圈子喜好，連Nike都特登整批鞋畀佢哋賣。記者仔問點解佢哋乘咗咁多次，對鞋都唔落Stussy個Logo？倫敦V解釋，人哋美國大公司，兩個商標擺埋一齊難過登天。呢類產品對於Nike來講，其實只係特別設計一批特別顏色嘅鞋，擺喺Stussy度賣。建立形象，深入目標階層。
倫敦V：「所謂Crossover、邊個乘邊個，只係傳媒方便寫稿作出嚟啫。SonyVaio用咗WindowsXP，唔通又叫Sony乘Microsoft？唔該以後認真啲，咪兩個牌子喺埋一齊就話Crossover，你估香港嘢咩。」記者仔衰口多，累大食Jack畀人寸。
主持人：大食Jack
八卦熱報：