繼上年的西部考察團之後，香港的商賈巨子今日再次集體外訪，今次嘅地點係好近香港嘅海南，齊齊上去搵商機。
董特首同部分富豪噚日已經出發，出席今日開始的「博鰲亞洲論壇」首屆年會，財爺阿松噚晚聽完立法會辯論預算案之後，今日會趕上大隊。
今次呢個富豪團，規模同大西北團真係有得揮，參加的企業有成四十多家，市值佔全港上市公司差唔多一半，小甜甜、小小超、榮智健、艾爾敦等都有份，個個分量十足，有董特首出面號召，點都有番多少叫座力。
除咗香港之外，亞洲好多個國家和地區的政商界領袖都會出席年會，人數超過一千，連國務院總理朱鎔基噚日都已經拉大隊南下去湊熱鬧。
E-mail：