孫佳君主演的新片《殺手阿1》昨日上映，對於吳君如曾在其電台節目批評該戲內容惡心，孫佳君昨接受新城電台訪問時卻表示《殺》片好娛樂、好搞笑。
孫佳君與淺野忠信合演的電影《殺手阿1》昨日正式公映，孫佳君昨早到黃埔接受新城《家天下》節目訪問，她表示新戲上演未覺緊張。另外，早前吳君如在其商台節目中，稱其友人曾看此片首映，指該戲內容惡心又核突，孫佳君在《家》節目中說：「我唔覺得喎，當係娛樂咁睇就會覺搞笑，內容又唔係真實，套戲係漫畫改編，唔好當真咪幾好玩囉。你哋覺得暴力核突啫，其實好有娛樂性，啲場面好搞笑，我鍾意套戲啲顏色同畫面，處理手法唔會好驚。」
此外，對片中淺野忠信有割脷鏡頭，孫佳君則說：「睇首映時啲觀眾都笑，唔係嗌，你唔好咁認真去睇就冇嘢。」孫佳君在戲中有一場大膽性愛戲，她表示拍時有少許尷尬，她說：「之後睇番就冇乜嘢，有其他更大膽嘅演出，更難忘啦！」
至於《殺》片被列為三級，會否局限了觀眾層面，孫佳君說：「我諗都會，喺新加坡冇得上，或者我買隻VCD畀屋企人睇。」
另外，《殺》片昨日上映，就記者所見尖沙嘴港威戲院的二時五十分、五時十分及七時半場次，入場觀眾人數不多，反應未算理想。看過該戲的觀眾，大部分表示不覺電影內容核突，但卻不明劇情所言。
採訪：馮美茵
攝影：陳偉權