喺大陸做生意，若然做到某大機構嘅特許經營加盟店，大多有利可圖。好像四十出頭嘅Kuwin，喺朋友介紹下成為國內手袋品牌「高美高」COMICO廣州天河區加盟店老闆，由於這牌子喺國內共有60間連鎖店，早已有一批Fans，加上廣告費亦全免，連自己店舖的宣傳也只需負責一半費用，喺48萬左右已乜都包埋的情況下，Kuwin便開始其國內的淘金大計。
記者：梁煒健
攝影：陳盛臣
現年43歲嘅Kuwin，之前喺香港從事導遊工作，專帶日本遊客在港Shopping及觀光。但近幾年經濟不景，做日本人帶街嘅收入每下愈況，後來幸得朋友介紹，知悉手袋品牌COMICO於國內業務非常成功，而且加盟費只需5萬元人民幣，因此萌生了創業的念頭。結果，兩年前憑着40多萬資金，成功獲得「高美高」COMICO嘅特許經營權，並於廣州天河區時代廣場內設店，開始打其天下。
由於天河區是廣州省政府指定嘅新開發區，因而Kuwin把該區嘅時代廣場作為創業根據地。兩年前Kuwin亦曾擔心廣州人唔太熟悉時代廣場，但後來商場搞了多次大型活動，如除夕倒數、時裝及明星表演等，均令時代廣場名氣日盛，人流暢旺。加上附近均為商業大廈及大型百貨公司，所以令區內嘅OL及闊太經常到時代廣場逛街購物。
由於在國內已有60多間連鎖店，宣傳推廣絕不能少，而總公司也會盡量協助個別店舖的推廣活動，例如找國際知名嘅模特兒拍攝廣告，而拍攝費用則由總公司負責，至於分店在當地嘅宣傳費用，總公司與加盟店則各付一半。
COMICO的設計，一向走中高檔路線，例如其選用乜嘢牛仔皮亦係非常重要嘅一環。由於布料及皮革全是由意大利製造(與替PRADA生產的廠商相同)，皮質柔軟，設計時尚；加上其推出的年輕、經典及高貴三個主要系列，能照顧各種女性嘅需要，遂令一大班女士們捧場。正因為COMICO在國內大受歡迎，在國內及香港已有不少冒牌貨出現，大家務必小心。
由於做特許經營店，要事事親力親為，否則一有錯漏，特許經營牌照便會被吊銷。因此Kuwin不如一般老闆咁Free，可以自由上落香港，而要長期逗留廣州；如今Kuwin在店舖鄰近租住了一所單位，一來以便了解市場動態，二來方便經常往返店舖，管理店中業務，一個月只能返港一次。
Kuwin嘅特許專門店，除咗要依足經營牌照嘅規條，替顧客每個COMICO手袋提供永遠維修服務外(包括打蠟、換金屬釦等)，如顧客加入其貴賓VIP會員後(買滿?2,000貨品即可)，每月便能收到最新市場消息、減價優惠，生日時更獲贈精美禮品一份。
Kuwin現時除咗投資開設廣州天河區特許經營店外，三個月前更在廈門增設一間分店，生意十分理想。之後，更計劃籌集資金，在廣東沿海嘅各大型商場開分店，務必喺手袋事業上搵大錢。
投資日期：1999年11月
租金（約250呎； ?100,000
包括兩個月按金連上期）
裝修 ?100,000
人工（售貨員3名 ?7,800
及店長1名）
宿舍 ?2,000
入貨 ?120,000
雜項（水電、管理費） ?6,000
流動資金 ?100,000
特許經營費用 ?50,000
總投資額 ?485,800
租金 ?25,000
人工 ?7,800
雜項（水電、管理費） ?6,000
入貨 ?45,000
廣告推廣 ?10,000
住宿 ?2,000
總額 ?95,800
平均每月營業額 ?140,000
平均每月盈利 ?44,200
手袋品牌COMICO實為港人所創立，並早於92年開始外銷，歐美等地均有COMICO品牌嘅產品；96年期間，COMICO業務拓展至全中國，開始有連鎖加盟店出現，時至今日已有60間之多，如北京、上海、成都、重慶，甚至哈爾濱及大連均有加盟店。下月初，還有另外八間新加盟店開張啟業，如此浩大陣容，形成COMICO於國內嘅知名度日漸提高，直逼歐洲各大品牌。
1.營業執照：港人在國內做生意，只需持有香港特區護照，便可以個體戶形式與商場簽租約，而商場亦可替租戶申請營業執照。
2.經營許可證：個體戶需要預先申請品牌經營許可證才可租舖。
3.稅務執照：每月需繳交當地增值稅，包括國稅、地稅及固定稅等。
4.防火措施：若租商場店舖，防火措施均由該商場物業管理公司檢查，並要國內合格認可專業公司負責。
廣州市工商局網頁：
若然要申請個體戶證，要注意當地可否申請，如佛山就不能以個體戶申請做生意。另外，若然要做特許經營專門店，必須預先了解該集團的誠信力，否則佢哋畀埋啲舊貨給你賣，但加盟費照樣收，這樣閣下嘅投資一樣有損失。
面對香港經濟不景，裁員不停，失業率持續上升，香港經濟逐步轉型，人人北望。「北上創業」版訪問一些香港人在內地成功創業的例子，如閣下是其中一分子，又願意將你的經驗跟讀者分享，請聯絡我們。來信請寄將軍澳工業邨西駿盈街八號《蘋果日報》副刊「北上創業」版收或傳真：27420542。請附聯絡電話。