昨日英皇舉行三周年慶祝活動，除了英皇二十一位歌手進行大晒冷外，更邀得不少城中富豪出席，包括鄭裕彤、林建岳、林建名和足總主席康寶駒等等，而各大電子傳媒高層，以及新聞人物孫佳君、章小蕙和伍詠薇等，亦畀面到賀。
現場所見，英皇老闆楊受成熱情招呼到場賓客，如親自為鄭裕彤貼上嘉賓貼紙，又上前擁抱孫佳君，忙得不亦樂乎。
此外，陳冠希（Edison）昨日在台上介紹英皇稍後為了迎接世界盃，所以和SUPER-X合作推出一盒類似港日都甚流行的KUBRICK公仔，一共十二隻，以英皇旗下歌手的肖像作藍本，推出限量五百盒，而Edison的公仔是七號，當他說七時，竟說成粗口諧音，林曉峰即時窒他：「不如你講番英文seven啦！」Edison也認同說：「係啦，我個公仔係seven呀！」
而早前有指深田恭子暗戀Edison，更為了他減肥及學廣東話，Edison聽後笑說：「Thankyou！我哋見過一次，佢幾cute呀！不過應該唔係嘅，我睇過佢張𢱑腳趾相，扣咗少少分，唔係幾好啦！」