政府呢鋪《賭博修訂條例》一出，好多有賭開波嘅人即時變高危，因為分分鐘會為呢個嗜好惹上官非。上個月底，八方同飛哥講起嚟緊嘅世界盃，當時大家重未知政府咁絕，會連網上同長途電話投注都趕絕埋。
飛哥當時鬼咁開心，因為孝順嘅大仔出錢撲飛，請老竇去南韓睇世界盃開幕禮，開幕戰重有飛哥心愛嘅法國隊落場比賽。講到興起，飛哥重直認自己都有小小哋賭吓波，主要幫襯海外博彩公司，「小賭怡情玩吓啫！」點知港府一盆冷水照頭淋，𠵱家竟然要封殺境外賭波。
最近八方又同飛哥講起賭波單嘢，飛哥都冇晒心機，直言港府阻人賭波「儍儍哋、扮清高」。好在飛哥會主持一個講世界盃嘅新節目《飛哥主場》，五月十五號開咪。飛哥話齋：「唔賭波，講波重過癮！」
E-mail：