原本在地鐵沿線免費派發的招聘刊物《Recruit》因為同地鐵傾唔掂數，七月五日起不再在地鐵站派發，但咁唔代表佢哋冇得做，相反佢哋重全力宣傳，務求擺出一個「冇事」嘅姿態。繼上周《Recruit》總裁周融發表公開信後，佢哋噚日又發布新訊息，話明日出街的《Recruit》將以近期熱門人物──梁錦松及其女友伏明霞做封面。
該封面的真正意義是，七月五日起，《Recruit》可透過全新發行網派發，連財政司司長梁錦松也「有得攞」，但身在北京的伏小姐就「冇得攞」。《Recruit》未來三個星期將以「喜見天日」作主題，要大家估吓佢哋的新發行網絡是甚麼？
周融是報業前輩，今次佢搞危機處理也有一手，認真大開眼界。同時，八方噚日剛收到發行《Recruit》的上市公司熊貓-Recruit年報，先知道周兄的年薪是三百六十萬元，較二○○○年上升一成半。
（圖）周融不愧報業前輩，懂得借梁伏戀為《Recruit》「重見天日」造勢。
E-mail：