長實（001）屬下港基物業宣布，日前與中山盈豐創建地產發展公司簽約，管理中山優雅山房。優雅山房位於中山市銀通路孫文公園前，佔地一百多萬方呎，建有六十多座洋房。蘭西聽聞呢個盤唔係長和系物業，亦係港基內地管理嘅首個非長和系樓盤。長和系作風唔興為系外公司嘅物業做管理，睇嚟呢個盤來頭都唔簡單。
美聯物業執行董事張錦成向蘭西話，最近佢哋攞咗好幾個獎，好似馬鞍山海典灣及迎濤灣、沙田碧濤花園、將軍澳清水灣半島同將軍澳中心，都得到首季促成最多單位獎。而大埔滌濤山就獲得累計最多單位獎。
美聯為激勵士氣，內部舉辦「全能精英大獎」比賽，表揚本月能成功兼顧一二手及租務市場嘅精英，鴨脷洲海怡半島分行嘅梁文輝成為首位得獎者。
蘭西