張柏芝和謝霆鋒昨日下午在尖沙嘴「偶遇」，兩人的座駕距離僅相隔兩輛車，但二人否認約會，齊聲表示是「撞到」。而柏芝與霆鋒昨又齊齊一反常態，接受記者訪問，果然心有靈犀。
謝霆鋒和王菲的戀情因張柏芝介入而結束，連日來均有記者在柏芝及霆鋒的家守候，令二人無法見面。但昨日霆鋒和柏芝終按捺不住，疑相約在新世界酒店外的停車處見面，但因有大批記者跟隨，兩人最終未能成功約會。
昨日下午二時許，張柏芝駕駛其黑色Benz與弟弟張柏文離開康樂園，其後到了尖沙嘴新世界中心停車處，此時柏芝弟弟張豪龍駕着其保時捷跑車現身，而意外的是謝霆鋒竟然駕着其藍色Audi跟在豪龍車後。霆鋒停車後與柏芝的車間只相隔兩架採訪車，霆鋒甫見記者即垂頭講電話，然後開車離去。
其後柏芝與兩位弟弟柏文、豪龍到旺角黑布街，記者追問柏芝剛才是否約了霆鋒，她說：「我約咗細佬啫！」記者追問張豪龍時，他反問說：「霆鋒？」記者指霆鋒的Audi在其車後，張豪龍說：「乜霆鋒唔係揸法拉利咩？」
柏芝說：「如果我約咗霆鋒，就唔會蠢到喺康樂園俾你哋跟到出嚟啦，亦唔會俾霆鋒架車跟住你哋架車俾你哋睇到。」
對於自己被視為霆鋒與王菲之間的第三者，柏芝說：「我𠵱家乜都唔諗，我繼續投入我嘅工作，由聽日開始，我一路要拍戲拍到二○○三年，中間生日（五月廿四）都冇假放，我會喺上海拍戲。啲雜誌一出，我四日瘦咗七磅。」
而霆鋒則於下午三時許，駕着其藍色Audi由尖沙嘴返回裕景花園寓所，下午五時左右又再外出。
對於昨午是否約會柏芝，霆鋒說：「唔係，只係咁啱我喺麗晶揸車出嚟撞到豪龍，咁啱又有對頭車，咁咪泊架車去後面咯，咁撞到柏芝都冇辦法㗎！」
對於有周刊指霆鋒想退出娛樂圈，他回應說：「如果傷害到我屋企人，我愛嘅人，或者愛我嘅人，退出就冇所謂。上次嘅新聞（和王菲分手）牽連到我四個朋友，重連我嘅父母、人哋嘅父母同唱片公司都講埋。我哋呢個年代嘅歌手咁團結，我希望集新一批嘅力量，希望大家支持我哋。
「我唔會外出散心，我知道唔係解決問題嘅方法，三年前試過一次，搞到坐食山崩，之後返香港重要簽多六年約。我有三部車、兩層樓，可以賣晒，但我唔想父母兩個加埋八十年嘅聲望衰喺個仔嘅緋聞身上，真係千年道行一朝喪。今次我俾人屈，朋友都遠離咗我。」
至於有周刊指王菲身邊的人將她塑造成感情上的弱者，霆鋒說：「一時話佢借五百萬畀我，又話我呃佢錢，今次又話佢係弱者，由得佢點寫咯！我夠膽講多一次，香港嘅傳媒我×你！我去蒙地卡羅攞個獎返嚟係冇×用嘅！」
另一方面，謝霆鋒日前接受周刊訪問，強調自己和柏芝去泰國之前，已經清楚地跟王菲說分手，沒有一腳踏兩船。霆鋒又說自己為了挽救這一段感情曾求過王菲八十二次。
採訪、攝影：馮美茵、娛樂突發組