地鐵嘅免費報紙舊年由一間瑞典公司中標之後，千呼萬喚始出來，終於鐵定今個月十五號（下禮拜一）正式出版，免費在地鐵站內派發，初步預算每日印三十萬份，每份有二十四頁紙，個名就叫《都市日報》。
八方收到料，呢份《都市日報》將會委託《文匯報》幫手印，不過就否認會買《文匯》嘅新聞，皆因佢哋話自己都有二十個編採人員做新聞，總編輯係曾任職《星島》嘅盧覺麟，副總編輯就係八方一位舊同事馮振超。講開辦《都市日報》嘅呢間瑞典公司，佢哋已經喺全世界二十幾個國家同地區出版緊免費報紙。
雖然《都市日報》講明唔係同主流報紙直接競爭，不過，睇嚟八方及一眾行家都要打醒十二分精神應戰。
大家如果想知多啲呢間公司喺其他國家地鐵站免費派發嘅報紙係點，可以登入
E-mail：