被視為豐田Echo及EchoVerso蛻變而成嘅全新ist車系，廠方鐵定響下月嘅5月14日正式面世。雖然至今仍未曉得，香港代理會否將之引入；然而呢部豐田ist卻響日本國內有好高評價，更被視為抗衡本田Jazz同日產March嘅最新武器，備受各方注目㖭！
文：張以中
早前，於第35屆東京車展中亮相嘅豐田ist概念車，瞬即為廠方落實量產，原因在於近期迷你CompactCar市場需求激增，加上豐田旗下嘅Echo同EchoVerso，受歡迎程度已不及當年，一部又一部同級新車款推出，想企穩市場嘅領導地位，又豈容有錯失呢！
而日本傳來消息，呢部ist嘅造型同配套有瞄頭之餘，造工及車體結構，亦係上乘之作；至於一台配備於ist身上嘅1.5公升新偈，雖然輸出數值未有公布，但據知100km/h時速下，引擎轉數亦不過2300rpm，而且風噪重好低㖭！