楊千嬅探病童積陰德

楊千嬅昨日出席兩個甚具意義的活動，她先往沙田威爾斯親王醫院的兒童癌病中心，探訪住院兒童，她除了派禮物給小朋友外，還逐一為他們簽名。
穿上大圓領衫及低腰牛仔褲的千嬅，當她坐下派禮物給小朋友時，險些走光。
事後千嬅自嘲：「身材好就話怕，我呢啲怕乜呀，我天生就係打底王啦，唔怕走光，走光都冇嘢睇啦！」

「鬧人好冇品」
隨後千嬅又到奧海城出席「百佳青年培育籌款活動」，千嬅說：「做多啲善事都好㗎，幫自己積下陰德，我成日都同自己講，要做一個好心地嘅人，唔好鬧人，鬧人好冇品嘛！」記者叫千嬅將這段話轉述給謝霆鋒，千嬅說：「咁每個人嘅處事方法都唔同嘅。」