亞視將《百萬富翁》部分節目版權賣給寰宇公司，製成VCD出售，其中包括當初打正旗號為慈善、周星馳做嘉賓的《少林足球慈善夜》一、二集。
去年八月，亞視以周星馳（星爺）、黃一飛、田啟文（田雞）、李敏上陣的《百萬富翁》之《少林足球慈善夜》，對撼無綫的《一筆OUT消》，更贏了漂亮一仗，最高收視更有三十四點，約有二百一十八萬觀眾收看。
當初亞視邀《少林足球》班底做嘉賓，打正旗號以「睇真D慈善基金」名義籌款，但亞視最近卻將節目版權賣給寰宇公司，製成VCD出售圖利。
亞視《百萬富翁》最近共推出了六隻VCD，分別是《少林足球慈善夜》一、二集，《單人100萬獎金得主》、《單人50萬獎金得主》、《夫妻50萬獎金得主》和《孖仔孖女50萬獎金得主》，每隻VCD售二十八元，由寰宇發行。
記者昨日就此事，致電周星馳旗下的星輝製作公司負責人田雞，對於出VCD一事，他表示毫不知情，田雞說：「當初我哋上呢個節目，講明係用『睇真D慈善基金』名義嚟籌款。如果今次出VCD，收益係捐去做慈善嘅，當然冇問題，但如果係牟利，咁就有必要了解吓。」
而亞視宣傳部總監黎文卓對此回應說：「我哋係將某啲版權賣咗畀寰宇，至於當初話係做善事，咁就要睇番份合約，通常都會寫明公司係有權將節目以任何形式賣出去，可能佢哋睇漏咗，或者理解唔同啫。電視畫面向來係屬於電視台嘅，更可以賣去世界各地，相信佢哋都會明白。」
當田雞得知亞視出VCD是用來賺錢後便說：「係咩？咁佢哋要賣都冇辦法，只不過佢哋應該知會我哋一聲。其實我覺得又唔係好大件事，以後大家都會有機會再合作嘅。」
採訪：張止寒