早兩日，奧迪代理搞咗個特別嘅傳媒預展，擺出咗唯一一部左軚嘅A4開篷Demo車；亞Mark亦趁着空檔時間，走咗去睇吓部新車㖭！不論造型、包裝同設備，呢款全新A7開篷車，果然好有一份雍容華貴嘅味道；而全車賣點所在嘅電控軟篷頂配搭，上落亦不過24秒咋！聽聞部Demo車只係過境性質，但代理會安排部車響今個周末周日，喺尖沙嘴連同部A4Avant旅行車舉行預展㗎！至於車價方面，配備一台2.4公升V6偈（170匹）嘅A4開篷車，定價為43萬8千；而頂級版3.0V6偈（220匹）就賣48萬9千，相比同級嘅寶馬3系，以及快將推出嘅平治CLK型號，看來都好有吸引力噃！右軚版可望於7月抵港，有興趣嘅朋友就要及早落訂喇！