古語有云「巾幗不讓鬚眉」，警花曾怡怡去年九月在一個風高浪急嘅凌晨，喺上環港澳碼頭拯救一個跳海自殺嘅男人，佢嘅英勇表現獲得海事處嘉許，噚日重獲頒英勇救人獎狀。曾怡怡話，當時佢係便裝當更，收到柯打後冇諗過有幾危險就跳落海，一切皆因救人要緊喎。八方真係要講聲佩服！
另外，去年八月西貢大浪西灣下水拯救一名遇溺少年嘅休班消防員亦都獲得嘉許，其中已故署理消防總隊目趙順安，由遺孀代領獎狀。往事不堪回首，趙太在整個頒獎儀式上均未露歡顏，在儀式後亦不願回答傳媒提問。
（圖）曾怡怡下海救人的英勇表現，實在令人敬佩。
E-mail：