喺最近舉行嘅美國紐約車展上，福特車廠展出咗一款名為FiveHundred嘅概念新車；此車除備有全新造型設計，予人有耳目一新之感外，佢更備有極之寬敞車廂空間、較高嘅座椅等等，以吸引一班SUV車嘅用家選擇，並預期可望於2004年面世。從預想圖中可以睇到，雖然此車嘅造型與一般房車無異，但頗有神氣嘅頭燈組合，以及闊大嘅胎軨配搭，卻能凸顯出其極富活力嘅形象，兼且重帶有些許跑味㖭。至於車廂空間方面，廠方亦有照顧到呢點；故此除採用高承托力嘅座椅兼採用較高嘅編排外，更可容納五名成人乘坐，而且重有充裕嘅腳部空間，絕無予人有擠迫之感，設備配搭亦見齊全，使用亦見方便㗎。
新車所採用嘅一台3.0公升V6偈屬於全新設計，雖未有公布有關數據，但相信其輸出應不比現有3.0公升型號為差；配合6前速自動波或CVT無段變速波箱，從而令新車可有更出色嘅性能表現。未知當新車正式推出時，有無機會抵港呢？