股海實戰錄:長實64元可以吼

股海實戰錄:長實64元可以吼

繼IBM後,市場又傳出思科將發出盈利警告,美股前晚先升後跌,納指大跌2.4%,搞到港股10700亦宣告失守,將考驗10400支持位。
周二趙飛雲已經講過市勢偏淡,有胡要食。前日見到佑威(627)走勢先高後低,有啲不妙,噚日平開後走勢向下,惟有喺0.71元先計數,無謂空手而回。雖然有消息話只係震倉,但目前市底虛浮,有得賺都係賺咗先。賭仔信邪,有胡唔食倒輸會有排衰。

伺機吸納Call輪
沽清貨自然等撈底,從恒指嘅技術指標來推斷,10400水平守穩機會大,可小注買藍籌輪博反彈。如果本周港股持續調整,下試10400獲支持,下周可能趁賣地利好,由地產股帶動反彈,其中以長實(001)較值得留意,因為5月份大摩指數執位,長實很大機會重新入選。
技術上,長實64至65元水平支持力不俗,可伺機吸納。趙飛雲本錢小,到時買番些少長實輪以小博大。
重鋼(1053)噚日逆市造好,升1仙,收1.17元,似係旗形整固,如果以大成交升破1.20元要追入,或者回至1.13元附近亦可撈番。
趙飛雲