恒指又跌多90點，收10643。火種係中移動（941），收22.95元，唔見45仙，跌至上月26日低位，應屬超賣。
中移動上次見22.95元之後，兩日內彈番上24.50元。
中移動下跌，中移動Call輪跟住散，9029收22.6仙，下跌11.4%。9044收27仙，散10%。兩隻輪都已經創出新低。
正股超賣，博反彈，短炒可以諗些少中移動Call輪，望正股帶番上去。
恒指跌，恒指Put輪9049收22.9仙，升4.6%。恒指Call輪9045收16.7仙，跌4%。
若然睇個市繼續踩落去，當然應該揸Put輪9049。不過恒指9RSI已經落到去30邊邊，好似中移動咁，有啲超賣迹象，再落嘅幅度都會有限。買大市反彈好過買大市繼續落去。
大市買反彈，揀恒指Call輪9045，隻輪7月夠鐘，溢價5.2%，槓桿率14.1倍，唔算貴。
恒指Call輪有3件，正路係9045；另外兩隻9174同9201，壽命稍長，但成交少，唔啱炒。
章 盛