電盈上個月派成績表，轉虧為盈，點樣獎勵班員工？噚日電盈年報就講班高層人工有幾多，年薪過千萬者有五位。最高嗰位薪酬介乎二千五百五十萬至二千六百萬之間，雖然比前年最高嗰位收取二億八千萬元的打工皇帝低，但前年董事局內，袁天凡、杜彼得、鍾楚義分別行使認股權證，才令收入大增。
不過，由於電盈去年股價低，無董事可行使認股權證，因此去年董事酬金已唔算廉宜，同香港電訊及盈科數碼動力以前最高薪嗰位收九百萬同三百五十萬比較，差不多所有董事人工都有調整。至於最高薪嗰位，八方想了解係邊位，但噚日電盈冇人對此作出回應，只聽聞主席李澤楷由合併至今仍然係未支取過電盈一個仙。
不過，電盈年報提到曾向一名董事付予一筆款項作為取消其長期僱傭合約的賠償，相信此君係去年離職的副行政總裁阮紀堂。據悉，部分盈科舊人去年曾調整人工，莫非最高薪者仍然係打工皇帝袁天凡？
噚日重有一隻藍籌中華煤氣派發年報，也有去年最高薪打工仔資料，酬勞介乎八百五十萬至九百萬，相對電盈便不算高。
E-mail：