最近有套戲《想飛》（PrincessD），好多人以為改編自香港地道創作PrincessDiane（帶銀公主），其實兩件事絕無關係，實屬美麗的誤會。
店長Simon話好多人見麥嘜同Figure藝術家MichaelLau成功，四出發掘其他地道香港創作，希望再起神話。間唔中喺舖頭聽見有客提起「帶銀公主」，證明又入民心。被老闆睇中相信係遲早嘅事。
以前但凡本地創作都屬另類嘢，絕冇人睇好，老闆覺得冇巿場，你見雜誌報紙以前唔肯花篇幅報道就知一二。不過𠵱家連美國大企業Levi's都搵成班小眾藝術家賣廣告，《蘋果》副刊又經常訪問外國塗鴉佬，就知另類與主流界線已趨模糊，總之有擁躉就有巿場價值。
所以話，千祈咪睇小人，寧欺白鬚公莫欺少年窮。聽聞以前麥嘜同Michael未成名時受盡白眼，點知𠵱家風水輪流轉，畀過面色人睇嘅老闆番轉頭搵佢哋幫手。唔怪得老人家話做事留一線，他日好相見。
主持人：大食Jack
八卦熱報：